Կազատվեն աշխատանքից. Ալեն Սիմոնյանը նախազգուշացրել է վարորդներին

Մանրամասներ
Live24-ը ներկայացնում է

ա
ՀՀ ԱԺ նախագահի մամուլի խոսնակ Ծովինար Խաչատրյանը հայտարարություն է տարածել, որում, մասնավորապես, նշված է.

«Ի պատասխան մի շարք լրատվամիջոցների՝ ՀՀ ԱԺ նախագահ Ալեն Սիմոնյանի մեքենային առնչվող տեսանյութի վերաբերյալ հարցերի` նշեմ, որ Հայաստանի Հանրապետության կառավարության սահմանած առկայծող փարոսիկներով կահավորման ենթակա տրանսպորտային միջոցներով կատարված և տեխնիկական միջոցներով հայտնաբերված իրավախախտումների գործերով վարչական վարույթ չի հարուցվում:

Եվս մեկ անգամ հիշեցնեմ, որ ՀՀ ԱԺ նախագահը տվյալ պահին մեքենայում չի եղել: Այնուամենայնիվ, Ազգային ժողովի նախագահի կողմից վարորդները նախազգուշացվել են, որ բացառությամբ խիստ անհրաժեշտության՝ մնացած նմանատիպ բոլոր խախտումների կրկնության դեպքում կազատվեն աշխատանքից»։

Ավելի վաղ տեսանյութ էր տարածվել, որտեղ երեւում էր, որ Ալեն Սիմոնյանի նոր գնված մոտ 200 հազար դոլարանոց մեքենան եւ եւս մեկ ծառայողական մեքենա Երչեւանի ամենաբանուկ հատվածներում երկու անգամ չթույլատրված հատվածից շրջադարձ են կատարում: