Ռուսաստանը ռազմածովային նավատորմի ևս 3 մեծ դեսանտային նավ է Բալթիկ ծովից տեղափոխել հյուսիսային ծով

Մանրամասներ
Live24-ը ներկայացնում է

ա

Ռուսաստանի երեք մեծ դեսանտային նավերից (ՄԴՆ) բաղկացած եւս մեկ խումբ, անցնելով Մեծ Բելտ նեղուցը, Բալթիկ ծովից անցել Է Հյուսիսային ծով: Այդ մասին, Շվեդիայի զինված ուժերի ներկայացուցիչը հայտնել Է Dagens Nyheter հրատարակությանը: Շվեդիայի զինված ուժերի մամուլի քարտուղար Յոնաս Օլսոնի խոսքով՝ նավերը նեղուցով անցել են հունվարի 18-ին:

«Դրանք դուրս են եկել ցերեկը՝ անցնելով Մեծ Բելտ նեղուցի վրայով անցնող կամրջի տակով: Յոնաս Օլսոնը նշել Է, որ Բալթիկ ծովում գտնվող Ռուսաստանի ռազմածովային նավատորմի բոլոր վեց նավերն այժմ հեռացել են նրա ջրատարածքից: Ինչպես հայտնել Է Շվեդիայի զինված ուժերի համատեղ գործողությունների վարչության պետ գեներալ-լեյտենանտ Մայքլ Քլայեսոնը, հունվարի 17-ին Բալթիկ ծովից նաեւ դուրս են եկել Ռուսաստանի ռազմածովային նավատորմի եւս երեք մեծ դեսանտային նավեր: Sveriges Radio-ին տված հարցազրույցում նա նշել Է, որ ռուսական դեսանտային նավերը Բալթիկ ծովից դուրս են եկել բեռով: Դրա հետ մեկտեղ գեներալը նշել Է, որ դրանց արշավի նշանակետը հայտնի չԷ:

Մինչդեռ սոցիալական ցանցերում հայտնվել են ռուսական նավերի լուսանկարներ, որոնք հունվարի 18-ին անցել են դանիական նեղուցները: Դիտորդները պնդում են, որ դրանք եղել են «Օլենեգորսկիյ գորնյակ», «Գեորգի Պոբեդոնոսեց» եւ «Պյոտր Մորգունով» նավերը, որոնք ավելի վաղ Բալթիկ ծով Էին եկել Հյուսիսային նավատորմից: Երկուշաբթի օրը՝ հունվարի 17-ին, ռուսական երեք ՄԴՆ-ի անցումը գրանցել Է վեբ-խցիկը, որը տեղադրված Է Մեծ Բելտ նեղուցի վրայով անցնող կամրջին, եւ որը միացնում Է Ֆյուն եւ Զելանդիա դանիական կղզիները: Նրանց թվում եղել են «Կորոլյով», «Մինսկ» եւ «Կալինինգրադ» նավերը: Այդ բոլորը ՄԴՆ են, որոնք ներկայում գտնվում են Բալթյան նավատորմի կազմում: Ռուսական բոլոր մեծ դեսանտային նավերի տեղաշարժմանը երկու օր շարունակ հետեւել են Դանիայի ռազմածովային ուժերի նավերը: Լուրը հայտնում է «Ինտերֆաքս»-ը: