Այս մասին CBS հեռուստաալիքի եթերում հայտարարել է ազգային անվտանգության հարցերով խորհրդական Ջեյք Սալիվանը, գրում է Ամերիկայի ձայնը։
Ազգային անվտանգության հարցերով խորհրդական Ջեյք Սալիվանը CBS-ին ասել է, որ Միացյալ Նահանգները բաց է Ռուսաստանի հետ հետագա բանակցությունների համար՝ կապված Ուկրաինայի սահմանների մոտ ռուսական զորքերի կենտրոնացման հետ: Միաժամանակ Սալիվանն ընդգծել է, որ Վաշինգտոնը Մոսկվային կպատասխանի լուրջ տնտեսական պատժամիջոցներով, եթե ՌԴ նախագահ Վլադիմիր Պուտինը ներխուժի ուկրաինական տարածք։
Հիշեցնենք, որ վերջերս լայնածավալ կիբերհարձակում է իրականացվել Ուկրաինայի կառավարական կառույցների դեմ։ Նախագահ Բայդենն անմիջապես տեղեկացվել է միջադեպի մասին, «Ամերիկայի Ձայն»-ին հայտնել են Ազգային անվտանգության խորհրդում:
«Մենք կապի մեջ ենք ուկրաինացիների հետ և առաջարկել ենք մեր աջակցությունը, քանի դեռ Ուկրաինան հետաքննում է [հարձակման] հետևանքները և բնույթը և վերականգնվում է միջադեպերից հետո», – ասվում է Ազգային անվտանգության խորհրդի խոսնակի հայտարարության մեջ:
Ըստ ուկրաինացի պաշտոնյաների՝ կան հիմնավոր ապացույցներ, որ Ռուսաստանը կանգնած է եղել կիբերհարձակման հետևում:
Reuters-ը շաբաթ օրը հայտնել է, որ Ուկրաինայի իշխանությունները կիբերհարձակման մեջ կասկածում են բելառուսական հետախուզության հետ կապ ունեցող հաքերային խմբին:
0Comments