Հայկական Renderforest-ը` 100 լավագույն ընկերությունների ցանկում

Այն գերազանցել է անգամ Facebook-ին
Հայկական Renderforest-ը` 100 լավագույն ընկերությունների ցանկում

Համաշխարհային հեղինակություն ունեցող G2crowd-ը Հայաստանում հիմնադրված Renderforest ստարտափին դասել է 2019 թվականի աշխարհի 100 լավագույն ծրագրավորման ընկերությունների ցանկում (Best Software Companies 2019 Awards):

G2crowd-ը աշխարհի առաջատար բիզնես-վերլուծական հարթակներից է, որը վարկանիշների է դասակարգում ընկերություններին՝ հիմնվելով իրական ժամանակում անկողմնակալ օգտատերերի կողմից տրված օբյեկտիվ գնահատականների:

Հայկական Renderforest-ը մի քանի հորիզանականով նույնիսկ գերազանցել է համաշխարհային սոցիալական ցանց Facebook-ին, որը համարվում է Սիլիկոնյան Հովիտի գիգանտներից մեկը։ Առաջին հորիզոնականը հիմնավոր ամրապնդել է Google ընկերությունը:

Հիշեցնենք, որ Renderforest-ը վիդեո անիմացիաներ, լոգոների ստեղծման, ինչպես նաեւ վեբ կայքերի նախագծման ծառայություններ առաջարկող օնլայն «Երեքը մեկում» բրենդավորման հարթակ է։ Հարթակում ինտեգրված արհեստական ինտելեկտը, «հասկանալով» օգտատերերի նախընտրությունները, առաջարկում է լոգոյի տարբերակներ, վիդեո անիմացիաներ եւ վեբ կայքերի պատրաստի օրինակներ: