Իսրայելում ԱՄՆ դեսպանատունը հանձնարարական է տվել դեսպանատան աշխատակիցներին եւ նրանց ընտանիքներին նոյեմբերի 21-ին ՀԱՄԱՍ-ի անդամի կողմից այդ տարածքում իսրայելցու սպանությունից հետո զերծ մնալ Երուսաղեմի Հին քաղաք այցելելուց, փոխանցում է Kan պետական ռադիոն:
«Երուսաղեմի Հին քաղաքում եւ շրջակայքում անվտանգության վերջին միջադեպերի պատճառով ԱՄՆ կառավարության պաշտոնյաներին եւ նրանց ընտանիքներին խորհուրդ է տրվել խուսափել Հին քաղաք այցելելուց մինչեւ հետագա ծանուցում»,-ռադիոկայանը մեջբերում է ԱՄՆ դեսպանատան ներկայացուցչի խոսքերը:
Կիրակի առավոտյան Երուսաղեմի Հին քաղաքում ավտոմատ հրազենով հարձակման հետեւանքով իսրայելցի է սպանվել, եւս երեքը վիրավորվել են քաղաքի արեւելյան մասում գտնվող պաղեստինցի փախստականների Շուաֆաթ ճամբարի բնակիչներից մեկի կողմից։ Հարձակվողը սպանվել է իսրայելական ոստիկանության պատասխան կրակից։
0Comments