Պուտինն օնլայն է քվեարկել Պետդումայի ընտրություններում. Մասնակցության հայտը կազմել է 9,16 տոկոս  

Մանրամասներ
Live24.am-ը ներկայացնում է

ա

ՌԴ նախագահ Վլադիմիր Պուտինն առցանց ձևաչափով մասնակցել է 8-րդ գումարման Պետդումայի ընտրություններին: ՏԱՍՍ գործակալության փոխանցմամբ՝ այս մասին հայտնել է նախագահի մամուլի քարտուղար Դմիտրի Պեսկովը:

«Պուտինն օնլայն է քվեարկել»,- ասել է Պեսկովը՝ նկատելով, որ նախագահն առաջին անգամ է ընտրությանը քվեարկում ոչ ընտրատեղամասից:

Հիշեցնենք, որ երեքշաբթի երկրի ղեկավարը ստիպված է եղել ինքնամեկուսացման անցնել իր շրջապատում կորոնավիրուսով վարակման դեպքերի առկայության պատճառով:

Ընտրություններում օնլայն կարող են քվեարկել 7 շրջանի բնակիչները, որտեղ հեռավար էլեկտրոնային քվեարկություն է ընթանում:

Գործակալության փոխանցմամբ՝ խորհրդարանական ընտրությունների առաջին օրը մասնակցության հայտը, Մոսկվայի ժամանակով 16:00-ի դրությամբ, կազմել է 9,16 տոկոս: