Մարդիկ ինձ զանգում են, ասում են՝ կարո՞ղ է Դուք ծախվել եք, մեր ձայներն ո՞ւր են․ առնվազն մի 150 հազար ձայն գողացվել է

Մանրամասներ
Live24.am-ը ներկայացնում է

1

«Հայոց հայրենիք» կուսակցության վարչապետի թեկնածու, փաստաբան Արտակ Գալստյանը վստահ է, որ իրենց ձայները գողացել են: Նա առաջինն է ընտրությանը մասնակցած քաղաքական ուժերից հայտարարել, որ դիմում է Սահմանադրական դատարան: Ըստ Գալստյանի՝ գործուն դեր են կատարել հոսանքազրկումները:

«Որտեղ որ լույսերն անջատվել են, քվեաթերթիկները փոխվել են: Ոչ թե լցրել են, այլ հանել-դրել: Ասենք՝ 500 հատ հանել են, 500 հատ գցել են: Հոսանքազրկումները եղել են ամբողջ Հայաստանով մեկ՝ Վանաձոր, Ապարան, Սպիտակ, Սյունիքում, Արմավիրում: Երեւան քաղաքում Էրեբունիում անջատեցին, Մասիվում մեր շտաբը, որտեղ դրված են մեր համակարգիչները, որոնցով տեղամասը հսկում էինք, Ավանում: Չկա մի տարածք, որ հոսանք անջատած չլինեն»,- ասաց նա:  

- Էլ ի՞նչ խախտումներ եք արձանագրել։ 

- Տեսեք, խախտումների մեծ մասն արձանագրել է հենց Նիկոլ Փաշինյանը: 57 հոգի մարդ են ձերբակալել ընտրակաշառք բաժանելուց՝ հենց ընտրության օրը: Ազդե՞լ է, թե՞ ոչ արդյունքների վրա: Ընտրությունը միայն քվեատուփը չէ: Ժամանակավոր պաշտոնակատարդ քարոզարշավի մեկնարկից երկու օր հետո է արձակուրդ գնացել՝ խախտո՞ւմ է, թե՞ ոչ: Ժամանակավոր պաշտոնակատարն իրավունք չուներ լինել ԺՊ՝ խախտո՞ւմ է, թե՞ ոչ: Ինքն է ասում, որ համատարած ընտրակաշառք է բաժանվել: 50 հոգու բռնել է, 150 հոգու՝ ոչ: Ազդե՞լ է, թե չէ՞: Զինվորները բաց քվեարկել են: Ունենք մոտ 50 հազար զինվոր: Համատարած հոսանքազրկումները ժամը 8-ից հետո՝ առերեւույթ կարո՞ղ էր ազդել՝ այո: Հիմա վերջին հարցը՝ ատելության մթնոլորտ կա՞ր, թե՞ ոչ: Եվրոպական կոնվենցիայով սա ընտրությունների համար առաջին խախտումն է: Հիմա՝ վերջին հարցը․ «Բարգավաճ Հայաստանը» հավաքել է 4 տոկոս, պակասել է 1 տոկոս, որ մտնի պառլամենտ: Կարծում եմ՝ չեք կասկածում, որ նշածս խախտումները կարող էին 10 հազար ձայնի տարբերություն տալ: Սա նշանակում է, որ ընտրություններն անվավեր են: 

- Դուք նման պահանջ դնելո՞ւ եք, որ արդյունքներն անվավեր ճանաչվեն: 

- Այո, ես իմ դիմումը տանելու եմ ՍԴ, եւ եթե Սահմանադրական դատարանը մերժի, դիմելու եմ Եվրոպական դատարան: Մարդիկ ինձ զանգում են, ասում են՝ պարոն Գալստյան, կարո՞ղ է Դուք ծախվել եք, մեր ձայներն ո՞ւր են: Կարող եմ ասել, որ առնվազն մի 150 հազար ձայն գողացվել է: Պատկերացրեք, ինչքան շատ է եղել, որ այդքան մնացել է: Իհարկե, ես համարում եմ, որ «Հայոց հայրենիքը», որը մեկ ամսվա կուսակցություն լինելով հանդերձ, հաղթահարել է 1 տոկոսի շեմը, հաղթել է շատ փորձառու գործիչների՝ Տիգրան Ուրիխանյանին, Արա Աբրահամյանին եւ այլն, փայլուն արդյունք է: Բոլոր ընտրատեղամասերում մեր ձայները եղել են տուփի ներքեւի հատվածում, տակը՝ առավոտյան եկածների ձայներն են մեզ հասել: Ինձ ոչ ոք չի կարող համոզել, որ 2080 տեղամասում իմ բոլոր ընտրողները գնացել են, ընտրել են, ու ժամը 12-ից հետո էլ ոչ ոք մեզ չի ընտրել: Սա նշանակում է, որ վրայի հատվածներից քվեաթերթիկներ են հանված, փոխված են եղել: Ասենք, հանել են 800 հատ, լցրել են 800 հատ: Տակն ինչ մնացել՝ մնացել է: Մեր այս 13 հազար 500 ձայները, որ կան, մինչեւ ժամը 12-ը քվեարկածներն են:

«Հրապարակ»

Սերժ Սարգսյանի հարցազրույցը՝ BBC-ին

Սերժ Սարգսյանի հարցազրույցը՝ BBC-ին

Ոտքի՛, վարչապետն է գալիս․ պահանջ կառավարության անդամներին

Ոտքի՛, վարչապետն է գալիս․ պահանջ կառավարության անդամներին

Ռոբերտ Քոչարյանի ու Նիկոլ Փաշինյանի զրույցը հայտնվել է համացանցում

Ռոբերտ Քոչարյանի ու Նիկոլ Փաշինյանի զրույցը հայտնվել է համացանցում

Փաշինյանին բարևելուց հետո Տիգրան Ավինյանը մաքրում է ձեռքը

Փաշինյանին բարևելուց հետո Տիգրան Ավինյանը մաքրում է ձեռքը

Համազգեստով ու քաղաքացիական հագուստով ոստիկանները ծեծում են իրար

Համազգեստով ու քաղաքացիական հագուստով ոստիկանները ծեծում են իրար

Ստեղծել քննիչ հանձնաժողով և պարզել՝ ինչպես եղավ, որ պատերազմ սկսեց և, որ մենք ուղղակի ջախջախվեցինք

Ստեղծել քննիչ հանձնաժողով և պարզել՝ ինչպես եղավ, որ պատերազմ սկսեց և, որ մենք ուղղակի ջախջախվեցինք

ԱԱԾ-ն ինձ դիմել ու առաջարկել է․․ Միրզոյանն ստորագրել է Մինասյանի հրապարակած հայտնի՝ ԱԱԾ փաստաթուղթը

ԱԱԾ-ն ինձ դիմել ու առաջարկել է․․ Միրզոյանն ստորագրել է Մինասյանի հրապարակած հայտնի՝ ԱԱԾ փաստաթուղթը

Ինքը պիտի գնա, իրան տարել ա արդեն, իրա հոգեկանը չի դիմանում․ Պապիկյանի սկանդալային զրույցը

Ինքը պիտի գնա, իրան տարել ա արդեն, իրա հոգեկանը չի դիմանում․ Պապիկյանի սկանդալային զրույցը

Վատ կանխագուշակումներ եմ անում, բայց այդպես է լինելու․ Սերժ Սարգսյան

Վատ կանխագուշակումներ եմ անում, բայց այդպես է լինելու․ Սերժ Սարգսյան

Մի կտոր ինքը ձեռով կերավ, մի կտոր Աննային ուտացրեց, մի բաժակ էլ վերջում հաջողացրեց

Մի կտոր ինքը ձեռով կերավ, մի կտոր Աննային ուտացրեց, մի բաժակ էլ վերջում հաջողացրեց