Հավկիթից, ձեթից ու կարագից բացի թանկացել են նաև ալյուրն ու հացը

Առաջին անհրաժեշտության սննդատեսակների շղթայական թանկացումները շարունակվում են
Live24.am-ը ներկայացնում է

ա

«Հայաստանում առաջին անհրաժեշտության սննդատեսակները, իրար հերթ չտալով, թանկանում են. հավկիթին, ձեթին ու կարագին հաջորդել են նաև ալյուրն ու հացը: «Ժողովուրդ» օրաթերթի խմբագրությունն այս շղթայական թանկացումների հետ կապված չի դադարում հեռախոսազանգեր ստանալ քաղաքացիներից:

Երեկ մեզ հայտնի դարձավ, որ ալյուրի գինը զգալի բարձրացել է. օրինակ 10 կգ ալյուրի գինը 2400 դրամից բարձրացել է՝ դառնալով 2800 դրամ, իսկ ցորենի բարձր որակի ալյուրի 50 կգ արժե 12400-13500 դրամ, մինչդեռ ամիսներ առաջ այն վաճառվում էր մոտ 12 հազար դրամով: Իսկ, ահա, առաջին սորտի ալյուրն այժմ վաճառվում է 11 800-12000 դրամ, այն նախկինում ավելի էժան էր:

Միայն ՀՀ վիճակագրական կոմիտեի տվյալներով՝ ալյուրի գինը այս տարվա մարտին, փետրվարի համեմատ, բարձրացել է 1.6 տոկոսով, իսկ հացը թանկացել է 0.2 տոկոսով:

Ի դեպ, ալյուրը այս տարվա մարտին, նախորդ տարվա նույն ժամանակահատվածի համեմատ, թանկացել է 14.4 տոկոսով, իսկ հացը՝ 8.6 տոկոսով»,-գրում է թերթը:

Նյութն ամբողջությամբ կարդացեք թերթի այսօրվա համարում: