«Եթե ԱԱԾ-ն մեր նկուղից դեղեր հայտնաբերի, չկասկածեք, հենց այդպես էլ կա, հետն էլ մի քանի հուզիչ նամակ կա...». Արթուր Դանիելյան

Դեղորայքի մեծ պաշար էր կուտակվել, որը մենք տեսակավորել ենք ու պահուստավորում ենք հաջորդ փուլի համար
Live24.am-ը ներկայացնում է

ա

«Ադեկվադ» միաբանության ղեկավար Արթուր Դանիելյանը ֆեյսբուքյան էջում գրել է.

«Մեր թիկունքը մեզ թույլ տվեց ողջ պատերազմի ընթացքում մատակարարման որևէ խնդիր չունենալ:

Ու դա փրկեց ոչ միայն մեր կյանքը, այլ բազմաթիվ ժամկետայինների ու սպաների, քանի որ հենց մերոնց ուղարկած սարքերի շնորհիվ էր դիրքում շատ արագ վերականգնվել էլեկտրոմատակարարումը և հետևաբար տեսահսկման համակարգը:

Դիրքն էլ առաջին գծի շարքային դիրք չէր, այլ միջդիրքային գոտում գտնվող կարևոր «ամրոց» ու մեծ առումով նվիրատուներին պետք է շնորհակալ լինի ողջ պաշտպանական շրջանը, ու վստահեցնում եմ՝ շնորհակալ էին:

Դեղորայքի մեծ պաշար էր կուտակվել, որը մենք տեսակավորել ենք ու պահուստավորում ենք հաջորդ փուլի համար: Էնպես որ, եթե ԱԱԾ-ն մի պայծառ օր մեր նկուղից քաղաքացիների ուղարկած դեղեր հայտնաբերի, չկասկածեք, հենց այդպես էլ կա, հետն էլ մի քանի հուզիչ նամակ կա...»: