Նիկոլը թիմակիցներին ստել է, թե իբր Պուտինը սատարում է իրեն. ՌԴ ԱԳՆ-ից պնդում են, որ Փաշինյանի կողմից տարածվողը կատարյալ սուտ է

Ստելու նպատակը սեփական թիմից կադրային հոսքը դադարեցնել է
Live24.am-ը ներկայացնում է

ա

Նիկոլ Փաշինյանը թիմակիցներին ստել է, թե Պուտինն իր հետ տետ-ա-տետ հանդիպմանն ասել է՝ դեմ է Հայաստանում արտահերթ ընտրությունների անցկացմանը, իսկ եթե ընտրություններ լինեն, Պուտինն, իբր, սատարելու է Փաշինյանին

Մոսկվայից վերադառնալուց հետո Նիկոլ Փաշինյանը հավաքել է «Իմ քայլը» դաշինքի պատգամավորներին և հայտարարել է, թե, իբր, հունվարի 11-ին Մոսկվայում Վլադիմիր Պուտինի հետ տեղի ունեցած առանձնազրույցի ընթացքում Պուտինն իրեն ասել է, որ Հայաստանում արտահերթ ընտրություններ անցկացնելու անհրաժեշտություն չի տեսնում, իսկ եթե, այդուհանդերձ, արտահերթ ընտրություններ լինեն, Փաշինյանի փոխանցմամբ՝ Պուտինն ասել է, որ ինքը հրապարակային կսատարի Փաշինյանի թեկնածությունը: 

Mediaport-ի՝ ՌԴ ԱԳՆ աղբյուրները պնդում են, թե Փաշինյանի կողմից տարածվողը կատարյալ սուտ է: Իսկ նպատակը սեփական թիմից կադրային հոսքը դադարեցնել է:

Ավելին՝ Պուտին-Փաշինյան հանդիպման ընթացքում որևէ ներքաղաքական հարց չի քննարկվել: Փաշինյանը փորձել է բացել թեման՝ բողոքելով ՌԴ որոշ շրջանակների կողմից Հայաստանի ընդդիմությանն աջակցելուց, բայց Պուտինը կտրուկ փակել է թեման՝ ասելով, որ Հայաստանի ներքաղաքական գործընթացներին միջամտել չի պատրաստվում: