Լուկաշենկոն դեկտեմբերի 25-ին կմեկնի Մոսկվա

Բանակցությունների ձևաչափը թույլ է տալիս Բելառուսի կառավարության ևս 2 անդամի ներկայություն
Լուկաշենկո

Բելառուսի նախագահ Ալեքսանդր Լուկաշենկոն դեկտեմբերի 25-ին կայցելի Մոսկվա և կհանդիպի ՌԴ նախագահ Վլադիմիր Պուտինի հետ, հաղորդում է ТАСС-ը:

«Ուշադրության կենտրոնում կլինեն մեր համագործակցության ամենաարդիական հարցերը»,- ասել է Բելառուսի նախագահի մամուլի քարտուղար Նատալյա Էյսմոնտը:

Ինչպես նշվում է, բանակցությունների ձևաչափը թույլ է տալիս Բելառուսի կառավարության ևս 2 անդամի ներկայություն:

Երկրի ղեկավարներն արդեն հանդիպել էին դեկտեմբերի 6-ին և վիճաբանել ռուսական գազի գնի վերաբերյալ, իսկ հետագայում Լուկաշենկոն ներողություն էր խնդրել: