Ճանապարհային ոստիկանության հաշվառման-քննական եւ տրանսպորտային միջոցների տեխնիկական փորձաքննության բաժնի նախկին պետ Սպարտակ Սեփյանը դատի է տվել ՀՀ ոստիկանապետ Վահե Ղազարյանին: Այս մասին տեղեկացնում է Դատական-տեղեկատվական համակարգը։
Սպարտակ Սեփյանը դիմել է ՀՀ վարչական դատարան՝ պահանջելով 21.10.2020թ. թիվ 3041-Ա հրամանն անվավեր ճանաչելու եւ, որպես հետեւանք, իրեն նախկին աշխատանքում /պաշտոնում/ վերականգնելու, ինչպես նաեւ հարկադիր պարապուրդի ամբողջ ժամանակահատվածի համար վճարվելիք աշխատավարձը տրամադրելու համար։
Նշենք, որ հայցը մակագրվել է ՀՀ վարչական դատարանի դատավոր Գեւորգ Սոսյանին։
0Comments