Ֆրանսիայի դեսպանատուն հայ մտավորականների նամակը հանձնելուց հետո, որով խնդրում են ֆրանսիական պետությանն ինչ-որ կերպ աջակցել գերիների վերադարձին, Հրանտ Թոխատյանին մոտեցավ Արցախի Քաշաթաղից եկած մարդ, որի որդին անհետ կորածներից է:
«64 օր է արդեն՝ իմ տղան չկա, գնում ենք Կարմիր խաչ, ասում են՝ գնացեք Պաշտպանության նախարարություն, այնտեղ եմ գնացել, ասել են՝ գնացեք Ուլնեցի, այնտեղից ուղարկում են մյուս տեղը, իմ հարցը ո՞նց է լինելու»,- հարցրեց անհետ կորածի ծնողը:
Իր հերթին դերասան Հրանտ Թոխատյանը նշեց, որ դրա համար են իրենք փորձում հիմա ինչ-որ տեղից ինչ-որ ձևով մի բան անել:
«Կառավարությունը ոչ մի բան չի անում: Ինքը Ջաբրայիլում էր, Աստված գիտի՝ հիմա կա, չկա, տեղեկություն չեն տալիս նույնիսկ»,- ասաց քաղաքացին և հավելեց, որ եթե Կարմիր խաչն էլ չի կարողանում մի բան անել, թող իրեն տանեն, գնա գտնի իր երեխային:
Թոխատյանը բացատրեց, որ Կարմիրը խաչն ընդամենը միջնորդ կազմակերպություն է և չի կարող գերիների վերադարձով զբաղվել, կարող է ընդամենը տեղեկություններ ճշտել և փոխանցել ծնողներին:
«Քաշաթաղից ես էսպես եմ եկել, դատարկ, մի օր ժամանակ չտվեցին, որ ես ինչ-որ բան վերցնեմ, դրա համար կետեր կան, ժամանակ կար, այդ սրիկան, որ ստորագրել է, կետ դներ, նախքան հանձնելը տային գերիներին, զոհվածներին հանեին, մնացածը ջանդամը, թող իրենց գյոռը տանեին»,- վրդովված ասաց անհետ կորածի ծնողը:
Տեսանյութը՝ Թերթ.am-ի
0Comments