Մենք, որպես քաղաքական միավոր, զինված խումբ ձևավորելու նպատակ չունենք․ Էդմոն Մարուքյան

Այսօր չկան կուսակցություններ, այսօր կա պատերազմ ու կա Հայոց Բանակ, որն այն վարում է ու հաղթում. Մարուքյան
Էդմոն Մարուքյան

ԱԺ «Լուսավոր Հայաստան» խմբակցության ղեկավար Էդմոն Մարուքյանը ֆեյսբուքյան իր էջում գրառում է արել՝ կոչ անելով զինվորագրվելու հարցով իրենց դիմելու փոխարեն ներկայանալ զինկոմիսարիատներ։

«Արդեն բազմաթիվ մեր թիմակիցներ գտնվում են առաջնագծում, բայց ինձ շարունակում են նույն հարցով դիմել, որ մենք կուսակցությունով խումբ ձեւավորենք ու գնանք առաջնագիծ։

Առաջին օրվանից սկսած բոլորին թե՛ հրապարակային, թե՛ ոչ հրապարակային հորդորել եմ եւ հիմա էլ հորդորում եմ, որ ներկայանան համապատասխան զինկոմիսարիատներ ու զինվորագրվեն Հայոց Բանակին։

Սիրելի՛ կուսակցականներ եւ համակիրներ, մենք, որպես քաղաքական միավոր, զինված խումբ ձեւավորելու նպատակ չունենք։

Մենք ունենք կայացած պետություն եւ համապատասխան պետական մարմիններ ու ընթացակարգեր. խնդրում եմ այլեւս մի՛ դիմեք ինձ նման հարցով։

Սա կուսակցական հարց չէ. պատերազմը կուսակցություններ, թիմեր չի ճանաչում։

Այսօր չկան կուսակցություններ, այսօր կա պատերազմ ու կա Հայոց Բանակ, որն այն վարում է ու հաղթում»,- գրել է Մարուքյանը։