Ռուսաստանում սանիտարահամաճարակաբանական իրավիճակի վերաբերյալ նախօրեին տեղի ունեցած խորհրդակցության ժամանակ ՌԴ նախագահ Վլադիմիր Պուտինը հայտարարել է, որ կորոնավիրուսի դեմ պատվաստանյութը կիրառելու մասին որոշումը կայացվելու է միայն դեղամիջոցի վերաբերյալ հարյուրտոկոսանոց վստահություն ունենալու պարագայում, tert.am-ի փոխանցմամբ՝ հայտնում է vesti.ru կայքը։
Պուտինը նշել է, որ այդ պատվաստանյութի ընդունումը պետք է կամավոր լինի, սակայն անհրաժեշտ է գրագետ կերպով մարդկանց տեղյակ պահել դրա անհրաժեշտության մասին։
Պետք է մարդկանց հայտնել, թե որտեղ և ինչպես կարելի է նախնական գրանցման եղանակով անվճար, առանց հերթերի մեջ մնալու պատվաստում ստանալ։
Նախագահի խոսքով՝ վիրուսի դեմ կանխարգելիչ պատվաստումների ազգային օրացույցը պետք է ամբողջական ծավալով իրացվի։
0Comments