Մամուլում շրջանառվող տեղեկություններով օրերս Կոտայքի մարզպետ Ռոմանոս Պետրոսյանը կթողնի մարզպետի պաշտոնն ու կնշանակվի շրջակա միջավայրի նախարարի պաշտոնում։
«Հրապարակին» հայտնեցին նաև, որ վերջերս Պետրոսյանը հաճախ է այցելում «Երազ» թաղամասի էլիտար նորակառույցներում վերջերս գնած և վերանորոգված իր բնակարան, Կոտայքում խոսում են, որ նախարար նշանակվելու պարագայում Պետրոսյանը կտեղափոխվի Երևան։
«Հրապարակին» հայտնի է դարձել նաև, թե ով է փոխարինելու Ռոմանոս Պետրոսյանին։ Կոտայքի մարզպետարանին մոտ կանգնած մեր աղբյուրն ասաց, որ մարզպետարանում սպասում են նախկին ոստիկանապետ Արման Սարգսյանին, որին հունիսի 8-ի հրամանագրով՝ Փաշինյանի առաջարկությամբ, ՀՀ նախագահն ազատեց ոստիկանապետի պաշտոնից։
Փաստորեն ևս մեկ «Հունան Պողոսյան» էլ իշխանությունները պատրաստվում են Կոտայքի մարզում նշանակել՝ հավանաբար «նարկոթրաֆիկի» և «հանցավորության» դեմ պայքարի, կամ, այլ կերպ ասած «մարզը» ձգելու համար։ Մենք փորձեցինք տեղեկությունը ճշտել հենց Սարգսյանից, սակայն նա ողջ օրվա ընթացքում չպատասխանեց մեր հեռախոսազանգերին։
«Հրապարակ»
0Comments