Գրիպի դեմ պատվաստումը կնվազեցնի բարդություններով ընթացող կորոնավիրուսի դեպքերի քանակը: Այդ մասին հայտարարել է ՌԴ առողջապահության նախարար Միխայիլ Մուրաշկոն:
«Գրիպի դեմ պատվաստումը հանգուցային է COVID-19-ի ծանր ձեւերի նվազեցման համար»,-հուլիսի 17-ին Եկատերինբուրգում ասել է Մուրաշկոն: Նրա խոսքով՝ պնեւմոկոկային վարակի դեմ պատվաստումը նաեւ թույլ է տալիս նվազեցնել արտահիվանդանոցային թոքաբորբի հավանականությունը «ոչ միայն նոր կորոնավիրուսային վարակով հիվանդության ժամանակ, այլեւ լրացուցիչ ռեսուրս ստանալ ավագ սերնդի մարդկանց կյանքերը պահպանելու գծով, կրճատել հիվանդացությունն աշխատունակ տարիքում»:
Նախարարը նաեւ արտահայտվել է միջազգային ավիաթռիչքները վերսկսելու օգտին այն պայմանով, որ ուղեւորները պահպանեն սոցիալական հեռավորությունը եւ թեստավորվեն: Սալոններում հեռավորության պահպանման հետ կապված ուղեւորների նոսրացման դեմ են հանդես եկել ավիաընկերությունները. նրանք բացատրել են, որ այդպես փոխադրումները վնասաբեր են լինելու, հաղորդել է «Ինտերֆաքս»-ը:
0Comments