Գագիկ Ծառուկյանի արած հայտարարությունները ես արդեն երկու տարի լսում եմ Կոտայքում: Այս մասին լրագրողների հետ զրույցում հայտարարել է մարզպետ Ռոմանոս Պետրոսյանը՝ հավելելով, որ երկու տարի այդ մրցապայքարի առաջնագծում է եղել. «Ինձ համար այդ հայտարարությունից հետո որևէ բան չի փոխվել քաղաքական դաշտում»:
Հիշեցնենք՝ օրեր առաջ Ծառուկյանը հայտարարել էր, որ կառավարության կազմը 100 տոկոսով պետք է փոխվի:
Պետրոսյանը նաև հայտարարեց, որ իր գործունեության ընթացքում նախկին համակարգի ամենաշատ ներկայացուցիչներն են փոխվել:
Նրանք փոխվել են, քանի որ ժամկետները լրացել են, եղել են նոր մրցույթներ, որոնց ժամանակ առանց «դաբրոների» ընտրություն է եղել:
0Comments