Ռուսաստանի Դաշնության վարչապետ Միշուստինը վարակվել է նոր տիպի կորոնավիրուսով:
Այդ մասին վարչապետը հայտնել է երկրի նախագահի հետ ունեցած տեսակոնֆերանսի ժամանակ: Այս մասին տեղեկացնում է RT-ը:
ՌԴ վարչապետն առաջարկել է իր պարտականությունների կատարումը դնել առաջին փոխվարչապետ Անդրեյ Բելոուսովի վրա:
«Վլադիմիր Վլադիմիրովիչ, հենց նոր պարզ է դարձել, որ ես վարակվել եմ կորոնավիրուսով, թեստը դրական արդյունք է ցույց տվել»,- ասել է վարչապետը:
Նա հայտնել է, որ պետք է ինքնամեկուսանա՝ կատարելով բժիշկների ցուցումները:
«Կառավարությունը կշարունակի հեռավար աշխատանքը, ես ևս ծրագրում եմ ակտիվ կապի մեջ գտնվել իմ գործընկերների հետ՝ հեռախոսային կապի և տեսակապի միջոցով: Ժամանակավոր փոխարինողի հարցում առաջարկում եմ Անդրեյ Բելոուսովի թեկնածությունը»,- ասել է Միշուստինը:
Պուտինը Միշուստինին առողջոթյուն է մաղթել և շուտափույթ ապաքինում:
0Comments