1-ը վճարում է 6-ի փոխարեն. տաքսու վարորդները գտել են գումար աշխատելու ելքը
Ամբողջ երկրի տարածքում կորոնավիրուսի տարածմամբ պայմանավորված արտակարգ դրության պայմանների խստացման մեջ է մտնում նաև այն, որ միջմարզային տրանսպորտի շահագործումն արգելված է, մայրաքաղաքում շատ երթուղիներ չեն աշխատում, իսկ մարդատար մեքենաներում էլ բացի վարորդից իրավունք ունի գտնվել մեկ չափահաս ուղևոր:
Այս իրավիճակից սակայն տաքսու վարորդները ելքը գտել են: Անհատ տաքսու վարորդները մայրաքաղաքում սկսել են գրեթե կրկնակի գումար պահանջել ուղևորափոխադրման համար, սակայն պահպանելով պարտադիր պահանջը, նրանք թույլ չեն տալիս, որ մեքենայում մեկ մեծահասակից ավելի մարդ նստի: Ի տարբերություն անհատ տաքսիների, հավելվածներով աշխատող տաքսիների դեպքում սակագնի փոփոխություն տեղի չի ունեցել, քաղաքացիները կարող են հավելվածների միջոցով նույն գումարով, ինչպես նախկինում էր, տաքսի պատվիրել:
Երևանից մարզեր ուղևորափոխադրում իրականացնող անհատ տաքսու վարորդները ևս գտել են ելքը: Քանի որ այս օրերին երթուղայիններ չեն գործում, իսկ մարդկանց անհրաժեշտ է ուղևորվել մարզ, նրանք հավանական է, որ ավել գումար կվճարեն: Այս հանգամանքը հաշվի առնելով էլ տաքսու վարորդները մեկ ուղևորից վերցնում են 6 հոգու գումար և միայն մեկ հոգու տեղափոխում են: Այսպիսով տաքսու վարորդը չի տուժում և պարետի որոշումը չի խախտում, իսկ ուղևորը ստիպված է վճարել 6 անգամ ավելի շատ գումար:
Նյութի աղբյուրը՝ armdaily.am
0Comments