Տանից դուրս մի եկեք, առանց դիմակի և ձեռնոցի ման մի եկեք. Բագրատյան

Կարգի բերեք ԱԺ-ն. մ՞իթե կարելի համաճարակը տարածելու համար նախատեսել ազատազրկում
Հրանտ Բագրատյան

ՀՀ նախկին վարչապետ, տնտեսագետ Հրանտ Բագրատյանը ֆեյսբուքյան իր էջում գրառում է արել՝ անդրադառնալով կորոնավիրուսը կանխարգելելու համար կառավարության իրականացրած քայլերին:
Գրառումն ամբողջությամբ ներկայացնում ենք ստորև.

«Մարտի 15, 16, 18, 19 և 20 ստատուսներում գրել եմ, թե ի՞նչ պետք է անել կորոնավիրուստ դեմ արդյունավետ պայքարելու համար։ Իշխանություննները չնկատելու են տալիս կամ նույնիսկ չեն հասկանում։ Այն ինչ-որ ասված է այդ ստատուսներում պետք է 100% իրականացնել։ Մարտի 24-ի առավոտյան ՀՀ ուներ 235 վարակակիր, Ադրբեջանը 72, Վրաստանը 65։ Նիկոլականները ֆ-քում անմիջապես քոմենթ են անում. այդ երկրները ստում են։ Գիտեք ստում եք դուք։ Ավելին դուք, այս իշխանության խամաճիկներդ, այսօրվա ղեկավարները (ՆՓ, ԱՍ և ԱՄ) ունե՞ք բավականաչափ կամք ու գրագիտություն հասկանալու, թե ի՞նչու են վարակվածներն այդ երկրներում համեմատաբար քիչ։ Ուսումնասիրե՞լ եք։ Կրկնում եմ պատճառները։

1. Այդ երկրներում մտցված է կարանտին։ Բաքուն կարանտինի մեջ է։ Այդ երկրներում, ի տարբերություն մերոնց, լոլոների մասին (արտակարգ դրություն, դատական պրոցեսներ և այլն) օրենքներ ու որոշումներ չեն ընդունում։ Ու՞մ է պետք մեր արտակարգ դրությունը։ Միայն իշխանությանը՝ մամուլը վերահսկելու մասո՞վ։ Այլ մեխանիզմ, կոնկրետ գործիք այդ ԱԴ-ն մեջ չկա։

2. Քա՞նի անգամ եմ գրել. համաճարակը հաղթելու համար պետք է շղթաները փակել։ Այսինքն, կարանտին Երևանում, Էջմիածնում, Մեղրիում, Չարենցանվանում, Մրգաշատում և այլն։ Այսինքն այնտեղ, որտեղ այդ վիրուսը կա։ Այնպիսի կարանտին, երբ այդ բնակավայրից դուրս ու ներս անելու համար պահանջվում է անցաթուղթ պարետի ստորագրությամբ։

2. Ամբողջությամբ պետք է ստերիլիզացնել գյուղատնտեսության, սննդի, էլեկտրաէներգետիկայի, կապի, հեղուկ վառելանյութի ոլորտները։

3. ՏԱ -ն կիլոմետրերով հեռու է արդյունավետ ԱԴ կառավարելուց։ Դա պետք է անեն կամ ՆՓ-ն կամ ԱՍ-ն։

4. Վարակվածի հետևից գնալը և նրա շփման շրջանակները պարզելը որպես վիրուսի դեմ պայքարի հիմնական միջոց չի աշխատել Չինաստանում, Հվ Կորեայում, Ճապոնիայում, Սինգապուրում և այլն։

5. Կարգի բերեք ԱԺ-ն։ Մ՞իթե կարելի համաճարակը տարածելու համար նախատեսել ազատազրկում (գնա ազատազրկման վայրերում տարածի՞), դատ և այլն։ Տուգանում ենք ու վերջ։ Ի՞նչպես կարող է երկրի ԱԺ-ն նման անպտուղ գործունեությամբ զբաղվել։

Լավ մնացեք

Տանից դուրս մի եկեք, առանց դիմակի և ձեռնոցի ման մի եկեք»։