Կորոնավիրուսի դեմ դեղամիջոցների տարածման վարչության նախագահ Ալի Ռազազանը ասել է, որ նոր հակավիրուսային դեղամիջոցի հումքը, որն օգտագործվել է Չինաստանում, առաջիկա օրերին կներկրվի երկիր եւ այնտեղ կարտադրվի, հայտնում է ԻՌՆԱ-ն։
«Հակավիրուսային դեղամիջոցը, որը մենք դեռեւս չենք կարող անվանել, պատրաստվել և օգտագործվել է Չինաստանում, եւ հաջողությամբ բուժել է պացիենտներին։ Դեղամիջոցի հումքը ներմուծվել է երկիր, ներկայում այն մաքսազերծվում է։ Մենք կարող ենք երկու օրում պատրաստել այդ դեղամիջոցը երկրում»,- ասել է նա։
«Դա ինքնուրույն հակավիրուսային դեղամիջոց է, որը ստեղծվել եւ փորձարկվել է Չինաստանում, եւ կորոնավիրուսի բուժման ժամանակ այն կարելի է օգտագործել այլ հակավիրուսային դեղամիջոցների հետ միասին»,- նշել է նա։
0Comments