Արթուր Ղազինյանն իր էջում գրում է.
«Ամբողջ աշխարհում զանգվածային միջոցառումները չեղարկվում են, փակվում են զանգվածային կուտակման վայրերը, հետաձգվում եմ միլիարդավոր դոլարներ արժեցող ցուցահանդեսներն ու ֆորումները։
Առողջապահության համաշխարհային կազմակերպությունը հայտարարել է, թե մահացու սխալ կլինի որևէ երկրի կողմից, եթե այդ երկրում ենթադրեն, որ կորոնավիրուսն իրենց կշրջանցի, և չձեռնարկեն անհրաժեշտ միջոցներ։
Դե իսկ Հայաստանում քաղաքացին առողջ և պաշտպանված է միայն «հպարտ քաղաքացու» անձնագրում, իրական կյանքում ՀՀ քաղաքացին միայն միջոց է իշխանության գալու և իշխանությունը պահելու համար։
Ոչ մի իրեն հարգող առաջնորդ այս իրավիճակում իրեն թույլ չէր տա մարդկանց հանել փողոցները, կուտակել մի վայրում, եթե իհարկե նրա անունը Նիկոլ Փաշինյան չէ և եթե իհարկե, նրա համար իր նեղ անձնական շահը վեր չէ ցանկացած այլ տեսակի շահերից։
Սիրելի հայրենակիցներ,
Թույլ մի տվեք ձեզ օգտագործել, շահագործել, վտանգի տակ դնել ձեր և ձեր ընտանիքների առողջությունն ու անվտանգությունը։ Խուսափեք զանգվածային կուտակումներից, սահմանափակեք ձեր շփումներն անծանոթների հետ և մի տրվեք մանիպուլյացիաների։
Վաղվա երթը կապ չունի ոչ ձեր, և ոչ էլ մարտի 1-ի հետ։ Այս երթը պետք է մեկ մարդու, իսկ այդ մեկ արդեն այլևս դու չես, և եթե անկեղծ, ապա երբեք դու չես եղել...»:
0Comments