Աստղիկ Բ/Կ-ում մահացած Իրանի քաղաքացու մոտ կորոնավիրուսը դեռեւս հաստատված չէ

Այսօր MAMUL.am կայքը գրել էր, որ «Աստղիկ» ԲԿ-ում երկկողմանի թոքաբորբով Իրանի քաղաքացի է մահացել։ Կայքի տեղեկություններով 56 ամյա տղամարդը երեկ է տեղափոխվել հիվանդանոց։

«Դեռևս հաստատված չէ կորոնավիրուսի հանգամանքը: Նա երկկողմանի թոքաբորբ ուներ, Հեպատիտ Բ»,-փոխանցել են ԲԿ-ից։

ArmDaily.am-ի հետ զրույում Առողջապահության նախարարի մամուլի խոսնակ Ալինա Նիկողոսյանը նշեց, որ, եթե կորոնավիրուսի դեպք լինի, ապա առաջինը դրա մասին կտեղեկացնի նախարարությունը. «Չգիտեմ նման մահ կա, թե չկա։ Եթե պատճառը վիրուսը լինի, մենք պաշտոնական կհայտարարենք։ Այս պահին մենք նման ինֆորմացիա չունենք»։