Այսօր, գիշերային ժամին, գնացել էի օդանավակայան, տեսնելու, թե ինչպես է ոստիկանությունը իր հերթական կեղծ ինֆորմացիան իրացնում։
Այս մասին Facebook-ի իր էջում գրել է փաստաբան Լուսինե Սահակյանը:
Նա, մասնավորապես, նշել է.
«Բազմաքանակ բարձրաստիճան ոստիկաններ եկել էին հերթական ասֆալտափռման աշխատանքներ կատարելու։ Նայում ու մտածում էի, թե քանի ոստիկանի եւ նրա ընտանիքի անդորր է խաթարվել, քանի հանցագործություն է այս պահին կատարվում, քանի հանցագործություն չի բացահայտվելու, որովհետեւ ոստիկանները չնայած քնած չեն, բայց մի անձի ցանկություններին են հագուրդ տալիս։
Մի արեք, տղերք։ Երբ եք գիտակցելու, թե ինչքան կարեւոր գործառույթ է ձեզ վերապահված։ Թողեք խեղկատակի դերը ու լուրջ գործով զբաղվեք։
ՀԳ. Ոստիկանների «օպերացիան» իհարկե չստացվեց, որովհետեւ ի սկզբանե հեղինակները իրենք չէին»:
0Comments