ՀՀ նախկին վարչապետ Հրանտ Բագրատյանը գրել է․
«Չինաստանում մասնակցում եմ To Joy-ի տարեկան ժողովին։ Հայնան կղզում ենք։
Չինական տեխնոլոգիական հրաշքը։ Նկարում պատկերված շենքերը չինական յուրօրինակ մոդեռն ճարտարապետության նմուշներ են՝ կառուցված արհեստական կղզու վրա (հարավ-չինական ծով)։Մյուս նկարում չինական նորագույն դիագնոստիկ սարքերն են։
Ձեռքերդ դնում ես ինչ-որ սկավառակի վրա և մեքենան էկրանին տպում է քո առողջական խնդիրները։ Արյան անալիզի կարիք չկա։ Ամենատպավորիչն այս անգամ Բայդուն էր։ Չէի կարող պատկերացնել, որ Գուգլի հետ իրապես մրցող ընկերություն կարող է լինել։
Պարզվում է, որ իրականում Հուավեյը առանց Գուգլի հավելվածների ավելի մեծ վաճառքի ծավալներ ունի։ Դրա համար է, որ ԱՄՆ-ն հետ նահանջեց առևտրային պատերազմից։ Խորհուրդ կտամ բացել Բայդուն և կարդալ ասենք Հայաստան հոդվածը։ Անմիջապես կզգաք ջերմություն և հարգանք Հայաստանի նկատմամբ։
Իսկ մեր որոշ տգետ պաշտոնյաներ հանդիպումներ են ունենում Տայվանի ներկայացուցիչների հետ։ Տայվանը ԼՂՀ հարցի նմանությունը չունի։ ԼՂՀ-ն ուզում է վերամիավորվել ՀՀ հետ, իսկ Տայվանը սեպարատիզմ է։ Բացի դա մի 15 տարուց Տայվանն ու Հոնկոնգը կդառնան սովորական Չինաստան»։
0Comments