Պարտադրված չէ. ԱՍՏԾՈ ԿԱՆՉԸ

Իմ ուզածն այն է, որ դուք կամենաք ու սիրեք Իմ Կամքը, քանի որ նրա մեջ է ձեր երջանկությունն ու ձեր հոգու հանգիստը
Հիսուս

Հիսուս

Նոյեմբերի 25

 Ոչ թե մեր կամքը, այլ Քո Կամքը թող լինի, Տեր

Մարդիկ շատ սխալ են հասկացել Ինձ, նաև Իմ ա՛յս Խոսքի մեջ: Ես չեմ ցանկանում, որ որևէ մեկի կամքը տրտնջալով դրված լինի Իմ Սեղանի վրա: Իմ ուզածն այն է, որ դուք կամենաք ու սիրեք Իմ Կամքը, քանի որ նրա մեջ է ձեր երջանկությունն ու ձեր հոգու հանգիստը:

Երբ տեսնում եք, որ չեք կարող ինձ թողնել ընտրությունը, այն ժամանակ աղոթք արեք, որպեսզի կարողանաք ոչ թե ընդունել Իմ Կամքը, այլ ճանաչել, որ անսպառ է Իմ Սերը, և որ ամենալավն եմ ուզում ձեր ու ձեր սիրելիների համար:

Որքան քիչ են ճանաչում Ինձ նրանք, որ կարծում են, թե Ես կամենում եմ Ինձ պարտադրել իրենց: Մինչդեռ Ես հաճախ եմ իրենց աղոթքներին պատասխանում արագ ու լավագույն ձևով: