Մահմուդ Աբասը հայտարարել է, թե ապտակել է ԱՄՆ-ին

^{Պաղեստինի նախագահ Մահմուդ Աբասը հայտարարել է, թե ապտակել է ԱՄՆ-ին՝ մերժելով իսրայելա-պաղեստինյան հակամարտության վերաբերյալ Դոնալդ Թրամփի խաղաղ պլանը, հայտնում է AP-ը։}

^{Աբասը ԱՄՆ-ի խաղաղ պլանը, որ հայտնի է որպես «դարի գործարք», հեգնանքով  անվանել է «դարի ապտակ»։}

^{«Նրանք փորձում էին մեզ դարի ապտակ տալ, սակայն այն մեզնից ստացան»,- ասել է նա պաղեստինյան հանգուցյալ առաջնորդ Յասիր Արաֆաթի մահվան 15-րդ տարելիցի արարողության ժամանակ։}

^{Թրամփի վարչակազմը դեռեւս չի հրապարակել նշված պլանը։ Գարնանը ծրագրի տնտեսական մասը Բահրեյնում համաժողովի ժամանակ ներկայացրել էր Թրամփի խորհրդական եւ փեսա Ջարեդ Քուշները, սակայն պաղեստինցիները հրաժարվել էին մասնակցել դրան։}