Ռուսաստանի Դաշնության նախագահ Վլադիմիր Պուտինը Կրեմլում նիստի ժամանակ հորդորել է կառավարության անդամներին հետևել իր օրինակին և գրիպի դեմ պատվաստվել:
Նա նշել է, որ, իր կարծիքով, կառավարության անդամները գրիպի վտանգի տակ են, քանի որ աշխատանքի բերումով առավել շատ են շփվում մարդկանց հետ, գրում է RT կայքը:
Նախագահը նաև հետաքրքրվել է, թե նախարարներից քանիսն են պատվաստումներ ստացել: Պարզվել է, որ պետության ղեկավարը ներառյալ՝ պատվաստվել են ընդամենը չորս անձինք:
Պուտինը նաև խնդրել է մտածել այս ուղղությամբ և դրան նույնպես կարևորություն տալ:
Ավելի վաղ Ռուսաստանի նախագահը հայտնել էր, որ 13 տարվա ընթացքում երկրում գրիպով հիվանդացության դեպքերը նվազել են ավելի քան 13 անգամ:
0Comments