Warner Bros. ընկերության «Ֆանտաստիկ գազանները» ֆիլմի հերթական մասի նկարահանումները տեղի են ունենալու Բրազիլիայում. ֆիլմը կթողարկվի 2021-ին, գրում է Daily Mail-ը:
Ըստ հաղորդման՝ նկարահանումները մեկնարկելու են 2020 թվականի գարնանը: Ֆիլմի երրորդ մասում դերասանուհի Ջեսիկա Ուիլյամսի կերտած Էլալի (Լալլի) Հիքսի կերպարը կլինի գլխավորներից մեկը:
Էլալի (Լալլի) Հիքսի կերպարը հանդես էր եկել «Ֆանտաստիկ գազաններ․ Գրինդելվալդի հանցանքները» ֆիլմում՝ որպես Հոգվարթսի կախարդության և մոգության ուսուցիչ:
2016 թվականին թողարկված «Ֆանտաստիկ գազաններ ու որտեղ գտնել դրանց» ֆիլմի նկարահանումները տեղի էին ունեցել Նյու Յորքում, իսկ 2018 թվականին թողարկված «Ֆանտաստիկ գազաններ․ Գրինդելվալդի հանցանքները» ֆիլմը նկարահանվել էր Փարիզում:
Հաղորդվում է, որ ֆիլմում իրենց դերերով հանդես կգան նաև Էդի Ռեդմեյնը և Ջոնի Դեպը:
0Comments