Ի՞նչ ուտել մաշկը երիտասարդ պահելու համար

^{Երիտասարդ մնալ բոլորն են ցանկանում, բայց տարիները, միեւնույն է, իրենց «սեւ գործն» անում են: Սակայն «մեղքը բարդել» միայն տարիքի վրա, այդքան էլ ճիշտ չէ. չէ՞ որ այն, թե ինչպիսի տեսք ունենք մենք, հաճախ պայմանավորված է լինում մեր կենսակերպով: Օրինակ՝ սննդով:}

^{Պարզվում է ՝ կան մթերքի որոշ տեսակներ, որոնք նպաստում են մեր մաշկի երիտասարդացմանը: Իսկ որո՞նք են դրանք:}

^{Պոլիֆենոլներ}

^{Հզոր անտիօքսիդանտներ են, որոնք պայքարում են ազատ ռադիկալների դեմ: Իսկ վերջինները, ինչպես հայտնի է, վնասում են օրգանիզմի էական ստրուկտուրաները:}

^{Պոլիֆենոլները պաշտպանում են սիրտ-անոթային եւ նյարդային խնդիրներից, հանդիսանում են պրոֆիլակտիկ միջոց՝ ընդդեմ ուռուցքների չափսերի մեծացման: Ունեն հակավիրուսային էֆեկտ:}

^{Որտեղից ստանալ՝}

^{Սեւ եւ կանաչ թեյ, սոյա, խաղող, հատապտուղներ, կակաո:}

^{Վիտամին C} 

^{Նպաստում է հյուսվածքների, լնդերի, արյունատար անոթների, ոսկորների բջիջների աճին եւ վերականգնմանը:}

^{Օգնում է օրգանիզմին յուրացնել երկաթն ու վիտամիններ A-ն եւ E-ն:}

^{Որտեղից ստանալ՝}

^{Նարինջ, կիտրոն, կաղամբ, քաղցր պղպեղ, կիվի, արքայանարինջ, թուրինջ, բրոկոլի:}

^{B խմբի վիտամիններ} 

^{Պատասխանատու են նյարդային եւ մարսողական համակարգերի նորմալ գործունեության համար, բարձրացնում են սթրեսակայունության մակարդակը, օգնում են կայունացնել արյան մեջ շաքարի մակարդակը, պաշտպանում են իմունային համակարգը:}

^{Որտեղից ստանալ՝}

^{Ձուկ, կաթնամթերք, ձուկ, լոբազգիներ, ընկուզեղեն, բանան, սպանախ, հավ:}

^{Օմեգա 3} 

^{Պահում է մաշկը երիտասարդ եւ առողջ, կարգավորում է խոլեստերինի մակարդակը, լավացնում սրտի աշխատանքը, նվազեցնում մաշկի քաղցկեղի առաջացման ռիսկը:}

^{Որտեղից ստանալ՝}

^{Ծովամթերք, ընկուզեղեն, ավոկադո, կանաչ բանջարեղեն:}

^{Մագնեզիում} 

^{Մասնակցում է կոլագենի սինթեզին, որը պատասխանատու է մաշկի էլաստիկության համար:}

^{Բարենպաստ ազդեցություն ունի ոսկրերի աճի համար, կոորդինացնում է սրտի ռիթմը, նվազեցնում է բարձր զարկերակային ճնշումը:}

^{Որտեղից ստանալ՝}

^{Քունջութ, նուշ, դդմի կորիզ, ընկույզ, սապանխ, գետնանուշ, լոբի, արեւածաղկի սերմեր:}

^{Վիտամին А}

^{Ապահովում է մաշկի եւ մազերի գեղեցկությունն ու առողջությունը, նպաստում տեսողության պահպանմանը, լավացնում իմունային համակարգի աշխատանքը:}

^{Որտեղից ստանալ՝}

^{Գազար, դդում, ձու, պանիր, ծիրան, լոլիկ:}

^{Վիտամին Е}

^{Պաշտպանում է օրգանիզմը տոքսինների վնասակար ազդեցությունից: Լավացնում է հյուսվածքների ռեգեներացիան, պաշտպանում է մաշկն ուլտրամանուշակագույն ճառագայթներից:}

^{Որտեղից ստանալ՝}

^{Հազարի տերեւներ, սպանախ, հնդկաձավար, սերուցքային կարագ, ընկուզեղեն, գրում է doctors.am}