Ռուսական Caviar ապրանքանիշը վերջին տարիներին հանրաճանաչություն է ձեռք բերել iPhone-ների՝ ամենաարտառոց և շքեղ նմուշներն ստեղծելու շնորհիվ, որոնք զարդարված են հավագյուտ ու թանկարժեք քարերով ու նյութերով:
Ինչպես ներկայացնում է Luxury launches-ը, ընկերության վերջին նորույթը դուր կգա ոչ միայն շքեղ դասի իրերի սիրահարներին, այլև հավաքորդների բանակին: Խոսքը նոր iPhone 11 մոդելի հատուկ տարբերակի մասին է, որը յուրօրինակ հարգանքի տուրք է տեխնոլոգիական աշխարհի լեգենդներից մեկին՝ Apple-ի համահիմնադիր Սթիվ Ջոբսին:
The iPhone 11 Pro «Superior Jobs» սմարթֆոնը նվիրվում է «անմահ հանճարի հիշատակին» և նախագծված է բնօրինակ iPhone-ի ոճով: Կենտրոնում պատկերված Apple-ի ապրանքանշանը իրականում խորհրդանշում է Սթիվ Ջոբսի բնորոշ մուգ սվիտերը, մինչդեռ սմարթֆոնի հետևի վահանակի ստորին հատվածում փորագրված է Ջոբսի ինքնագիրը:
Հատուկ շարքի սմարթֆոնը գնահատվում է 6290 դոլար 64 ԳԲ հիշողությամբ տարբերակի համար և 7460 դոլար՝ 412 ԳԲ հիշողությամբ Max տարբերակի: Դրանց ընդհանուր քանակը կազմում է 9 օրինակ:
0Comments