Երևանի օրվա կապակցությամբ քաղաքը բազմաթիվ հյուրեր ունի։ Հայաստանի մայրաքաղաք են եկել դերասաններ, ակադեմիկոսներ, գործարարներ ու նկարիչներ։
Երևանն այսօր դարձավ 2801 տարեկան։ Վարչական բոլոր շրջաններում տոնական մթնոլորտ է, փողոցներում` ժպտացող մարդիկ։
Sputnik Արմենիայի նկարահանող խումբը քաղաքի կենտրոնում հանդիպեց հայտնի հայերի ու ճանաչված մարդկանց։ Նրանց թվում էին Էրմիտաժի տնօրեն Միխայիլ Պիատրովսկին, դերասանուհի Չուլպան Խամատովան, գործարար Ռուբեն Վարդանյանը, նկարիչ Արմեն Երիցյանն ու դերասան Արթուր Ղուկասյանը։ Նրանք ասացին, թե ինչի է հետ է ասոցացվում Երևանը։
Նրանց մաղթանքներն ու կարծիքները լսելու համար պետք է պարզապես դիտել տեսանյութը։
Նշենք, որ «Էրեբունի-Երևան»-ի առաջին պաշտոնական տոնակատարությունն անցկացվել է 1968թ. Հոկտեմբերին, երբ նշվում էր մեր մայրաքաղաքի հիմնադրման 2750-րդ տարեդարձը։ Հոբելյանական հանդիսությունները տևեցին մոտ մեկ շաբաթ։ Միջոցառումները շատ էին, բազմազան ու բովանդակալից. հրատարակվեցին Երևանի պատմությունը ներկայացնող նոր գրքեր, էկրան բարձրացան Երևանի առօրյան արտացոլող նոր ֆիլմեր, բացվեցին ցուցահանդեսներ, ստեղծվեցին Երևանի մասին նոր երգեր, թողարկվեցին բազմապիսի հոբելյանական հուշանվերներ, որոնք այժմ էլ հիշեցնում են այդ շքեղ տոնակատարության մասին։ Գեղեցիկ միջոցառումներ էին Ծաղկի տոնը, Երգի տոնը, որի ժամանակ 2750 հոգանոց երգչախումբն առաջին անգամ կատարեց «Էրեբունի-Երևան» օրհներգը։
0Comments