Թուրքիան «լիարժեք դադար է վերցրել» իր ռազմական գործողություններից Սիրիայի հյուսիսում. դիպուկահարների կրակոցներն ու գնդակոծությունը դադարեցված է: Այդ մասին ուրբաթ Սպիտակ տանը լրագրողներին հայտարարել է ԱՄՆ-ի նախագահ Դոնալդ Թրամփը, հաղորդում է ՏԱՍՍ-ը:
«Հրադադարը հաստատված է: Կամ դա ժամանակավոր դադար է, կարող եք անվանել այն ինչպես ցանկանում եք: Այսօր առավոտյան եղել են դիպուկահարների կրակոցներ եւ գնդակոծություն, դրանք դադարեցվել են: Հաստատվել է լիարժեք դադար»,-ասել է նա:
«Ես շատ ուրախ եմ այն հանգամանքով, թե ինչպես է զարգանում իրավիճակը»,-ընդգծել է նախագահը: «Դեռեւս ամեն ինչ աշխատում է»,-նշել է նա: «Տեսնենք՝ ինչպես ամեն ինչ կստացվի: Իրավիճակը դեռեւս շարունակում է փխրուն լինել, ինչպիսին էր բազմաթիվ տարիների ընթացքում. նրանք պատերազմել են միմյանց հետ դարեր շարունակ»,-հավելել է Թրամփը:
0Comments