«Россия» հեռուստաընկերության եթերում հեռարձակվող «Москва. Кремль. Путин» հաղորդման ընթացքում անդրադարձ է կատարվել Երևանում տեղի ունեցած ԵԱՏՄ գագաթնաժողովին և ներկայացվել են կուլիսների ետևում մնացած որոշ նյուանսներ, որոնց թվում են Բաղրամյան 26-ի դռների վերանորոգումը և կարմիր գորգեր փռելու գործընթացը: Հաղորդման ընթացքում անդրադարձ է կատարվել զավեշտալի դրվագի, թե ինչպես է Փաշինյանը Դվին հյուրանոցում հրաժեշտ տվել Պուտինին, սակայն դրանից հետո շտապել է օդանավակայան ևս մեկ անգամ Պուտինի հետ զրուցելու համար, պատմել են նաև այն մասին, որ Փաշինյանը և Պուտինը կոնյակ են խմել:
Հիշեցնենք, որ օրեր առաջ 7-or.am կայքը նույնպես մանրամասներ էր ներկայացրել Փաշինյան-Պուտին հանդիպումից՝ նշելով, որ օդանավակայանում Պուտինը հրաժարվել է կոնյակ խմելուց, սակայն քաղաքավարությունից դրդված մի փոքր գինի է ըմպել, մինչդեռ Նիկոլ Փաշինյանը բավականին նյարդային վիճակում մեկ շիշ կոնյակ է խմել:
0Comments