ԱՄՆ առաջին տիկին Մելանյա Թրամփը դեպի Վայոմինգ երկօրյա ճամփորդություն է իրականացրել: Հինգշաբթի օրը տիկինը մի խումբ դպրոցականների հետ Սնեյք գետի երկայնքով ռաֆթինգային զբոսանքի է դուրս եկել, գրում է Daily Mail-ը:
Սկզբում առաջին տիկինը հանդիպել է մի խումբ սկաուտների հետ, այնուհետև սկսել գետի երկայնքով իր զբոսանքը:
49-ամյա առաջին տիկինը հագնված է եղել առօրյա ոճով. կրել է սև ջինսե տաբատ, սվիտեր և սպորտային բաճկոն: Այս տեսքով տիկինը այցելել է Ջեքսոն քաղաք, որտեղ 20 րոպե անցկացրել է սկուտների հետ` ողջունելով վերջիններիս և լուսանկարվելով նրանց հետ:
Առաջին տիկնոջը ողջունելու համար հարյուրավոր մարդիկ դուրս են եկել փողոց, զբաղեցնելով քաղաքի գլխավոր հրապարակին կից փողոցների մայթերը: Տիկնոջը դիմավորել է Ջեքսոն քաղաքի առաջին կին սկաուտ Մայնդի Քին Միլլերը:
Մելանյան ժպտալով ողջունել է հավաքվածներին և մի խումբ սկաուտների հետ ուղևորվել ռաֆթինգային զբոսանքի: Զբոսանքը, ամենայն հավանականությամբ, դուր է եկել տիկնոջը, քանի որ տիկինը աշխուժորեն զրուցել է երեխաների հետ` բնության տաբեր տեսարաններ մատնացույց անելով: Տիկինը նույնիսկ սեփական բջջային հեռախոսով է լուսանկարներ արել: Առաջին տիկնոջ ձեռքին զբոսանքի ժամանակ սուրճով լցված բաժակ է եղել` հավանաբար Վայոմիմգյան ցրտաշունչ եղանակից պաշտպանվելու համար:
Անբարենպաստ եղանակը, այնուամենայնիվ, չի կարողացել խոչընդոտ դառնալ տիկնոջ համար` վայելելու ճամփորդության յուրաքանչյուր պահը, քանի որ զբոսանքի ողջ ընթացքում տիկինը շարունակաբար ժպտացել է:
Առաջին տիկնոջ նշված ճամփորդությունն իրականացվել է նրա կողմից հիմնադրված Be Best ծրագրի շրջանակներում, որի գլխավոր նպատակներից մեկը երեխաների առողջության պահպանությունն է:
0Comments