Մեծ Բրիտանիայի Նորֆոլկ կոմսության Նորվիչ քաղաքից 25-ամյա Ջեյդ Յանգմենը կարող է կուրանալ, քանի որ տարիներով միրգ եւ բանջարեղեն չի օգտագործել:
Daily Mail-ի հաղորդմամբ՝ 3 տարեկան հասակից աղջիկը տառապում է սննդի ընդունման խանգարմամբ՝ հոգեկան հիվանդություն, որը ստիպում է հրաժարվել որոշակի մթերքների օգտագործումից: Աղջկա օրաբաժինը կազմված է պիցցայից, մակարոնեղենից, չիպսերից եւ հավի թեւիկներից: Աղջկա խոսքով՝ միրգ եւ բանջարեղեն տեսնելիս իր մոտ սրտխառնոց է սկսվում:
«Ես հասկանում եմ, որ ինձ հետ ոչինչ չի պատահի, եթե ես միրգ եւ բանջարեղեն ուտեմ: Փորձում եմ ստիպել ինձ, սակայն չի ստացվում»,- խոստովանել է Ջեյդը:
Այդ խնդիրը հաղթահարելու համար Ջեյդը երկար ժամանակ հոգեբաթերապեւտների մոտ է այցելել, սակայն ոչինչ չի օգնել նրան:
Սահմանափակ դիետայի պատճառով աղջկա օրգանիզմը զրկվել է անհրաժեշտ սննդանյութերից՝ վիտամիններից եւ միկրոտարրերից, ինչի արդյունքում նա կարող է զրկվել տեսողությունից:
Նման դեպք է գրանցվել նաեւ 2018-ին. Գլոստերից 18-ամյա Հարվի Դայերը, որը տառապել է նույն խանգարմամբ եւ օգտագործել բացառապես չիպսեր եւ շոկոլադ, կորցրել է մի աչքի տեսողությունը:
0Comments