Վենեսուելայի դատախազությունը հետաքննություն է սկսել ընդդիմադիր առաջնորդ Խուան Գուաիդոյի նկատմամբ այն բանից հետո, երբ երկրի ՆԳՆ-ը պետական հեռուստատեսությամբ ցուցադրել է լուսանկարներ, որոնցում Գուաիդոն կեցվածք է ընդունել կոլումբական Los Rastrojos խմբավորման երկու ներկայացուցիչների հետ: Այս մասին հայտնում է իսպանական EFE գործակալությունը:
Նիկոլաս Մադուրոյի կառավարության տվյալներով՝ լուսանկարներն արվել են 2019 թվականի փետրվարի 22-ին, երբ Գուաիդոն, չնայած երկրից դուրս գալու արգելքին, գաղտնի հատել էր Կոլումբիայի հետ Վենեսուելայի սահմանը: Մադուրոյի խոսքով՝ լուսանկարները «բոլոր սկանդալների մայրն են»: Մադուրոն նշել է, որ հենց թմրաբարոններն են օգնել Գուաիդոյին հատել սահմանը:
Իր հերթին Գուաիդոն հայտարարել է, որ Մադուրոն փորձում է այդ լուսանկարների օգնությամբ շեղել հանրության ուշադրությունը:
Գուաիդոն նշել է, որ չի ճանաչում մարդկանց, ովքեր խնդրել են իր հետ նկարվել:
0Comments