Ռուսաստանի նախագահ Վլադիմիր Պուտինը հաջորդ երկուշաբթի օրը՝ սեպտեմբերի 16-ին, կմեկնի Անկարա, որտեղ գումարվում է Սիրիայի հարցով թուրք-ռուս-իրանական եռակողմ գագաթնաժողովը:
Կրեմլի խոսնակ Դմիտրի Պեսկովի փոխանցմամբ, Պուտինը բանակցելու է Թուրքիայի և Իրանի նախագահներ Ռեջեփ Թայիբ Էրդողանի և Հասան Ռոհանիի հետ:
«Երկուշաբթի օրը նախատեսվում է Սիրիայի ճգնաժամի կարգավորման հարցով «աստանյան գործընթացի» երաշխավորների հանդիպումը: Այն տեղի կունենա Անկարայում, և նախագահը կմասնակցի ժողովին»,- այսօր ասել է Պեսկովը:
ՏԱՍՍ լրատվական գործակալությունը նշում է, որ Ռուսաստանի, Թուրքիայի և Իրանի ղեկավարների մակարդակով առաջին գագաթնաժողովը տեղի է ունեցել 2017 թվականի նոյեմբերին Սոչիում:
Այդ առաջին քննարկումից հետո կողմերը հայտարարել են, որ Սիրիայում ապառազմականացման գոտիների ստեղծումը չպետք է սպառնա Սիրիայի տարածքային ամբողջականությանը:
0Comments