Շումախերը գիտակցության է եկել

Սպորտսմենը գաղտնի տեղափոխվել է Փարիզի Ժորժ Պոմպիդուի անվան հիվանդանոցի սիրտանոթային բաժանմունք
Շումախեր

Ֆորմուլա 1-ի յոթակի չեմպիոն Միխաել Շումախերը, որը ծանր վնասվածք էր ստացել 2013-ին դահուկ քշելիս, գիտակցության է եկել, հայտնում է Le Parisien-ը։

Սպորտսմենը գաղտնի տեղափոխվել է Փարիզի Ժորժ Պոմպիդուի անվան հիվանդանոցի սիրտանոթային բաժանմունք։

Հիվանդանոցի աշխատակիցներից մեկը հաստատել է աղբյուրին, որ տեսել է մրցարշավորդին ու նա գիտակցության մեջ էր։

Շումախերին բուժելու է սրտային անբավարարության վրա մասնագիտացած պրոֆեսոր Ֆիլիպ Մենաշեն։

2013-ին մրցարշավորդը ստացել էր գանգուղեղային վնասվածք ու մի քանի տարի կոմայում է գտնվել։

2018-ի ձմռանը ԶԼՄ-ները հայտնում էին, որ Շումախերն այլևս գամված չէ անկողնուն ու արհեստական շնչառության կարիք չի զգում։

panarmenian.net