Ստամբուլում գտնվող բյուզանդական շրջանի ամենագեղեցիկ ստեղծագործություններից մեկի՝ Սբ Սոֆիայի (Այա Սոֆիա) տաճարի վրա ճաքեր են առաջացել, որի պատճառը, ըստ հետազոտողների, մոտակայքով անցնող տրամվայներն ու մեծ տոննաժ ունեցող բեռնատարներն են, փոխանցում է CNN-ի թուրքական ծառայությունը:
Հետազոտության համար օգտագործվել է գեոռադարային զոնդավորում, որի արդյունքում տաճարի մերձմակերեսային կառուցվածքում հայտնաբերվել են փոքր ճաքեր, որոնք գնալով միանում են առավել մեծ ճաքերին:
Ըստ Թուրքիայի մի քանի համալսարանների երկրաբանների կազմած զեկույցի՝ որոշ հատվածներում առկա ճաքերը հետագայում կարող են ավելի լուրջ խնդիրներ առաջացնող ճաքերի վերածվել, և անհրաժեշտ է միջոցներ ձեռնարկել:
Հոդվածում նաև նշվում է, որ Կոստանդնուպոլսի մարգարիտը հանդիսացող այս տաճարին ամրակցված օդափոխիչներն անճաշակ են և չեն համապատասխանում շինության ճարտարապետությանը:
Նշենք, որ նախկինում հունական ուղղափառ քրիստոնեական տաճարն այժմ որպես թանգարան է գործում:
0Comments