Ավստարալացի գիտնականների խումբը պարզել է, թե կոնկրետ որ միկրոտարրն է օրգանիզմին օգնում պայքարել պնեւմոկոկերի դեմ (Streptococcus pneumoniae): Հայտնի է, որ բակտերիայի հենց այս տեսակն է բակտերիալ թոքաբորբի հիմնական պատճառը:
Գիտնականները մկների վրա կատարած փորձերի ժամանակ նրանց սննդակարգում ցինկի քանակությունը կրճատել են: Արդյունքում կրծողների մոտ թոքաբորբի զարգացման հավանականությունը 3 անգամ մեծացել է: Գիտնականները դա բացատրում են այն փաստով, որ ցինկի դեֆիցիտը բացասաբար է ազդել ֆագոցիտների կողմից (իմունային համակարգի բջիջներ) պնեւմոկոկի տարածման պրոցեսի վերահսկման վրա:
Դրանից բացի, ցինկը չափազանց թունավոր է մանրէների համար, ինչը իմունային բջիջներին թույլ է տալիս պայքարել Streptococcus pneumoniae-ի դեմ:
Հետազոտության ղեկավար Քրիսթոֆեր Մըքդեւիթը նշում է, որ կատարված հայտնագործությունը ցույց է տալիս սննդակարգում ցինկի բավարար քանակության կարեւորությունը, ինչը պատվաստման եւ այլ հակաինֆեկցիոն միջոցառումների հետ միասին կօգնի վերահսկել պնեւմոկոկային ինֆեկցիան:
0Comments