Թաիլանդի Մահա Վաչիրալոնգկոռն (Ռամա 10-րդ) թագավորը ապաստան է տվել գերմանական 13 գամփռի, որոնք սատկում էին սովից: Ուժասպառ շներին կամավորները գտել են սնանկացած կին գործարանատիրոջ մոտ, որն ի վիճակի չէր նրանց խնամել, տեղեկացնում է Life-ն:
Կամավորները կենդանիներին տեղափոխել են անասնաբուժական կլինիկա, որպեսզի այնտեղ գնահատել նրանց առողջական վիճակը: Դրանից հետո նրանց վերցրել են թագավորական հովանավորության ներքո:
«Նորին Մեծությունն օգոստոսի 21-ին իր ներկայացուցչին ուղարկել է ապաստարան, որտեղ շները գտնվում են օգոստոսի 19-ից՝ անասնաբույժ-կամավորների կողմից նրանց փրկելու պահից ի վեր, որպեսզի նրանց վերականգնողական բուժման նպատակով տեղափոխեն Կասետսարյան համալսարանի անասնաբուժական կլինիկա»,- հայտնել է Nation թերթը:
Թաիլանդի թագավորական ընտանիքը հայտնի է ընտանի կենդանիների նկատմամբ իր սիրով: Միապետի ապաստարաններում պահվում են հարյուրավոր շներ՝ ինչպես ցեղական, այնպես էլ ոչ ցեղական:
0Comments