Օգոստոսի 23
Ահա փնտրում ենք Քեզ, ինչպես որ դու մեզ ասացիր:
Քանի որ փնտրում եք, անշուշտ պիտի գտնեք: Ոչ ոք իզուր չի փնտրել Իմ Ներկայությունը: Ինչպես որ ձեռնունայն չեն մնացել Ինձնից օգնություն խնդրողները:
Կարոտի հնչերանգներ, սեր սրտում. ահա Իմ Հոգին այդտեղ է՝ պատրաստ զորացնելու և վերականգնելու ձեր ուժերը: Երբեմն հոգնած, սպառված լինելը բոլորովին էլ չի նշանակում ոգու պակասություն, այլ՝ առաջնորդություն Իմ Հոգու կողմից:
Բազում հրաշալի բաներ այդպես էլ չէին պատահի, եթե Իմ հետևորդների մտավոր ու մարմնական հոգնածությունը եղած չլիներ. այդ հոգնություններն են, որ ձեզ առանձնացնում են հանգստի համար և դադար տալիս՝ ձեր կողմից անհրաժեշտ համարված գործերին...
Թեպետ Իմ ճանապարհը կարող է նեղ թվալ ձեզ, բայց այն դեպի կյանք է տանում. Անանց Կյանք: Ոտքդ վստահորեն դիր այդ ճանապարհի վրա: Այնքան էլ նեղ չէ այն ճանապարհը, որտեղով Ես էլ կարող եմ քեզ հետ քայլել:
Նման մի ուղեկից ունենալով՝ դու քեզ բնավ մենակ չես զգա: Անսահման բարի, անսահման զորավոր մի ընկեր քեզ հետ պիտի քայլի այդ ճանապարհին:
0Comments