Առաջիկա 3 տարիներին կարող են սկսել մարդկանց խոզի սիրտ փոխպատվաստել, հայտարարել է Մեծ Բրիտանիայից փոխպատվաստող վիրաբույժ Թերենս Ինգլիշը:
Նրա խոսքով՝ արդեն ընթացիկ տարում կանցկացվի մարդուն խոզի երիկամի առաջին փոխպատվաստումը: Եվ եթե արդյունքը գոհացնող լինի, ապա մոտ ապագայում հնարավոր կդառնա նաեւ սրտի փոխպատվաստումը: Սա կօգնի բավարարել դոնորական օրգանների աճող պահանջարկը. փոխպատվաստման կարիք ունեցող պացիենտներն անչափ մեծաթիվ են, իսկ դոնորական օրգանները ամբողջ աշխարհում չեն բավականացնում:
Այսօրվա դրությամբ Մեծ Բրիտանիայում սրտի փոխպատվաստման սպասողների ցուցակում կա մոտ 300 մարդ, այս պատճառով մասնագետները փնտրում են օրգանների նոր աղբյուրներ: Խոզի օրգաններն իրենց չափերով լավագույն այլընտրանք են համարվում:
Գիտության զարգացումը կարող է ավելի հնարավոր դարձնել քսենոփոխպատվաստումը (որի դեպքում կատարվում է մարմնի մասերի փոխպատվաստում մի տեսակից մյուսին), սակայն մի շարք մասնագետների կարծիքով՝ նման պրակտիկան ուղեկցված է անընդունելի վտանգով, ուստի եւ մարդկանց վրա չպետք է փորձարկվի:
0Comments