Բրիտանացի երաժիշտ Էդ Շիրանի նոր` Nothing On You երգի հիման վրա նկարահանված տեսահոլովակը մի քանի ժամում ավելի քան 1 մլն դիտում է հավաքել: Տեսանյութը հրապարակվել է երգչի YouTube-ի էջում:
Տեսահոլովակում Շիրանը հիփ-հոփ կատարող Դեյվի և արգենտինացի ռեփեր Պաուլո Լոնդրայի հետ հեծանիվներով շրջում է Լոնդոնում և երգում աղջիկների հետ հարաբերությունների մասին:
Սա Շիրանի՝ հուլիսին թողարկված No.6 Collaborations Project (բոլոր ստեղծագործությունները ձայնագրվել են այլ կատարողների հետ) ալբոմից երրորդ երգի հիման վրա նկարահանված տեսահոլովակն է:
Ավելի վաղ երաժիշտը թողարկել էր Beautiful People և Antisocial երգերի տեսահոլովակները:
0Comments