Սիլվիո Բեռլուսկոնիի դեմ հայց է ներկայացվել

Քաղաքական գործիչը մեղադրվում է կեղծ վկայություն տալու մեջ
Սիլվիո Բեռլուսկոնի

Բարի քաղաքի դատարանը քննության է վերցրել 82-ամյա միլիարդատեր և  Իտալիայի նախկին վարչապետ Սիլվիո Բեռլուսկոնիի դեմ հայցը, գրում է Reuters-ը:

Աղբյուրի հաղորդմամբ՝ քաղաքական գործիչը մեղադրվում է կեղծ վկայություն տալու մեջ: Գործն առնչվում է Բեռլուսկոնիի նստավայրում աղջիկների մասնակցությամբ տեղի ունեցած խնջույքներին:

Հետաքննությամբ պարզվել է, որ Իտալիայի կառավարության նախկին ղեկավարը լռության դիմաց խոշոր գումարներ է վճարել գործարար Ջանպաոլո Տարանտինիին:  Հենց նա է 2008-2009 թթ. պարբերաբար մարմնավաճառներ ուղարկել և ապահովել Բեռլուսկոնիի երեկոյան ժամանցը:

Այս գործով Տարանտինին ձերբակալվել է 2011թ. օգոստոսին: Այդ ժամանակ Բեռլուսկոնին պնդել է, որ ինքը չի իմացել, որ աղջիկները մարմնավաճառներ են եղել: