Ամերիկյան գիտնականների վերջին ուսումնասիրությունն ապացուցել է, որ երեխաները, ում մայրերը բեղմնավորումից մի քանի ամիս առաջ սթրեսային իրավիճակում են եղել, կյանքի առաջին տարում ավելի հաճախ են մահանում:
Ըստ Meddaily-ի, մանկական մահացության վտանգը 53%-ով ավելանում է: Այս եզրակացությունը գիտնականներն արել են հետազոտության արդյունքում, որի ժամանակ վերլուծել են 1973-2008 թվականների ավելի քան 3 միլիոն ծնունդների տեղեկությունները: Այդ ընթացքում մանկական մահացության 8398 դեպք է արձանագրվել:
Շուրջ 21 հազար երեխայի ծննդաբերել են կանայք, ովքեր բեղմնավորումից առաջ 6 ամիս շարունակ ուժեղ սթրեսի են ենթարկվել: Նրանցից 93 երեխա վաղ տարիքում մահացել է:
0Comments