ԱՄՆ նախագահ Դոնալդ Թրամփը ռուսաստանցի առաջնորդ Վլադիմիր Պուտինի հետ քննարկել է երկրների միջեւ առեւտրային հարաբերությունները, հայտնում է «Բլումբերգ» գործակալությունը՝ վկայակոչելով Սպիտակ տան հայտարարությունը:
Ավելի վաղ Կրեմլի մամուլի ծառայությունը հայտնել էր, որ ամերիկյան կողմի նախաձեռնությամբ տեղի է ունեցել Պուտինի եւ Թրամփի հեռախոսազրույց: ԱՄՆ նախագահը օգնություն է առաջարկել Սիբիրում հրդեհների մարման գործում, նրա ռուսաստանցի գործընկերը պատասխանել է, որ անհրաժեշտության դեպքում առաջարկից կօգտվի, եւ այդ քայլը գնահատել է որպես 2 երկրների միջեւ լիաչափ հարաբերությունների վերականգնման գրավական:
Սպիտակ տան հայտարարության մեջ հաղորդվում է, որ Թրամփն ու Պուտինը քննարկել են 2 երկրների միջեւ առեւտրային հարաբերությունները, հայտնում է «Բլումբերգը»: Նշվում է նաեւ, որ ԱՄՆ նախագահը մտահոգություն է հայտնել՝ կապված Սիբիրում հրդեհների հետ:
0Comments