Սլովենիայում հայտնվել է Մելանյա Թրամփի «խայտառակ» փայտե քանդակը

^{ԱՄՆ առաջին տիկնոջ՝ Մելանյա Թրամփի փայտե քանդակը հայտնվել է Սլովենիայում՝ նրա հայրենի Սեւնիցայի արվարձանում, հայտնում է BBC Newsը:}  

^{Նշվում է, որ գաղափարի հեղինակը ամերիկացի նկարիչ Բրեդ Դաունին է, որը քանդակը ստեղծելու համար վարձել է սղոցով փորագրելու վարպետ Ալես Զուպցեւին:}

^{Արդյունքում հայտնվել է Մելանյա Թրամփի փայտե պատկերը երկնագույն վերարկուով, որը նայում է Սավա գետի կողմը՝ ձեռքն ուղղած երկնքին:}

^{Տեղացիները արձանն անվանել են «խայտառակություն» եւ հայտարարել, որ այն ամենեւին նման չէ Մելանյա Թրամփին, գրում է news.am:}

^{Գաղափարի հեղինակ Բրեդ Դաունին Reuters-ի հետ հարցազրույցում ասել է, որ այս քանդակով ցանկացել է «երկխոսություն անցկացնել», որը կառնչվի ԱՄՆ քաղաքական վիճակին:}

^{Սեւնիցան զբոսաշրջային քաղաքի է վերածվել 2016 թվականից, երբ Դոնալդ Թրամփը դարձավ ԱՄՆ նախագահ, իսկ քաղաքի նախկին բնակիչ Մելանյա Թրամփը՝ ԱՄՆ առաջին տիկինը:}